بإمكانك استماع الى الشيلات في خلفية الجوال

كلمات شيلة كني ضلاله

كني ضلاله



اداء: سلطان البريكي وراجح الحارثي
كلمات: علي بن مهران المري


إستماع أو تحميل الشيلة: إضغط هنا


ليت الهوى مافيه فرقا
ولا حزن ودموع زرقا
الي تخلي العين غرقا
( وتذكرك لاصرت داله )

فرقى الوليف الي تحبه
مافارقك من دون سبه
ماخاف فيك الله ربه
( ولا تهيا لك وصاله )

يادمعتي بالله كفي
ياضيقتي بالله خفي
صدري فيه الي يكفي
( والقلب فاقد راس ماله )

الليل لا هبهب نسيمه
ترا عواقيبه وخيمه
المشتحن بيذوق ضيمه
( من واحدن قفى بفاله )

وانا لامن هب الهبيب
على شوي شوي غيب
في ذمتي ماني بطيب
( ولاهقيت انها سهاله )

الله يا ذيك الليالي
الي مضت ي ويل حالي
قبل الهوى يقفي بغالي
( موادعه ما جا مجاله )

اضيق واهوجس واغني 
واهتم واحاتي واوني 
من واحدن من راح عني
( ذي حالتي ماهي بحاله )

من بعد م شتى وقيض
في قلبي اللي لا تهيض
موادعه ماهو بغيض
( ومن اول اقول استحاله )

يجفاني ويرحل فديته
وانا م اخون اللي هويته
ومن بين خلق الله شريته
( ولا يحل احدن بداله )

يا حيه ويا حي عاما
يوم الغلا والشوق لاما
محبتن فيها اهتماما
( للي عنا واعنا له )

ابيه يرجع لي تراني
من سبة الفرقى معاني
واعاهده لامنه جاني
( لامشي معه كني ظلاله )

غيابه الزايد تعدى
اكثر من الواجد وجدى
ان طول غيابه تردى
( واذا رجع سوى جماله )

0 التعليقات:

إرسال تعليق

 

™ جميع الحقوق محفوظة والتعديل.موقع شيلات ام بي ثري MP3© 2017

Designed by Templateism. Hosted on Blogger Platform.